Leikir 3.-4. nóv

Ég fæ nú sennilega ekki verðlaun fyrir góða ástundun á þessu tímabili, en ég fullvissa meðlimi HIT að tippáhuginn er enn gríðarlegur, maður þarf bara að finna rétta gírinn. Næsta helgi verður vægast sagt ROSALEG og stórleikir hvert sem litið er. Ber þar að sjálfsögðu hæst uppgjör annars og þriðja stærsta liðsins í Rotterdam á Stad Rotterdam Verzekering Stadion í Kralingen. Stóra spurninginn er hvort sjíleska undrabarnið og Newcastle-baninn Sebastian Pardo nái að koma boltanum framhjá Liverpool goðsögninni Sander Westerveld.

1. Arsenal v. Man Utd
2. Blackburn v. Liverpool
3. Fulham v. Reading
4. Mallorca v. Valencia
5. Sevilla v. Real Madrid
6. Atletico Madrid v. Villarreal
7. Excelsior v. Sparta Rotterdam
8. Juventus v. Inter

Þess ber svo að geta að upphaflega ætlaði ég að fylgja eftir nýfengnum áhuga á úragvæsku deildinni og þá sér í lagi úragvæska Liverpool og hafa þá aftur á listanum. En skv. Soccernet munu þeir spila tvo leiki næsta sunnudag. Eitthvað fannst mér það grunsamlegt og ákvað að það væri öruggara að sleppa Úragvæ að þessu sinni. En ÁFRAM LIVERPOOL!!!

kv
arnist